Ang PILAK ay isang organisasyong na naglalayon na pagkaisahin ang hanay ng kabataan, estudyante man o tambay.
Sa kasalukuyan ay patuloy ang pagdami nating mga kabataang tinaguriang TAMBAY.
Tayo ang mga kabataang karaniwang di nakakapag-aral at walang trabaho nakikita sa mga kanto at sulok ng ating kumunidad.
Tayo ang mga kabataang patuloy na nalululong sa masamang bisyo at sa paglaon ay pagkagumon pa sa mga ipinagbabawal na gamot.
Ngunit kung ating susuriin, Tayo ay bunga ng lumalalang paghihirap ng ating lipunan.
Bilang kabataan tayo ay may malaking tungkulin sa pagbabago nito.
Ang napakalaking bilang nating mga kabataan ay may sapat na kakayahan para baguhin ang ating kalagayan sa lipunan.
Maging ang kasaysayan ay magpapatunay na KABATAAN ANG PAG-ASA NG BAYAN.
Ito ang nagtulak sa atin upang itayo ang isang samahan na magbibigkis sa ating iisang layunin.
Ang samahan na naglalayon na itaas ang diwa ng pagtutulungan, pagkakaisa at pagmamahal sa bayan .
Ang tinig ng isa ay higit na lalakas kung sya ay may kasama at higit pang mas malakas kung tayong lahat ay makikiisa.
Mas marami ang makikinig sa ating tinig, mas marami ang ating magagawa.
Ang papalaking bilang ng ating samahan ang magtatakda ng ibat-ibang proyekto na magbibigay ng binipisyo sa ating mga kabataan. Kabilang dito ang mga proyektong educational program ,livelihood program, skills development program, medical mission, relief operation, job fair at marami pang iba na magbibigay ng tulong sa lipunan at magpapabago sa pagkilala ng lipunan sa kabataan. HINDI NA TAYO MAGIGING TAMBAY………
Makikiisa ka ba ?
Subject: oryentasyon ng ating organisasyon 
Sun May 18, 2008 12:27 pm